വിധി

പ്രാണനെടുത്തു 

പക തീര്‍ത്തു 

പക പുകഞ്ഞ 

പകപോക്കികള്‍ ...!

              പിന്നെയും 

              കുത്തുന്നുവോ 

              ആത്മാവിനെ 

              ശവം തീനിപുഴുക്കള്‍...! 

നിയമം 

വിധിച്ച വിധിയില്‍ 

വിജയം കണ്ടവര്‍ 

കൊടികുത്തി ...!

             ബലിമൃഗത്തിനു 

             കിട്ടിയ നീതിയില്‍ 

             പാതി ജീവന്‍ 

             വിലപിക്കുന്നു...!

മിസ്റ്റര്‍ ക്ലീന്‍

    ജനങ്ങളെ സമ്പര്‍ക്കത്തിലാക്കി കാര്‍ന്നു തിന്നുന്ന മൂഷികപ്പടക്കു നേരെ കല്ലേറും കരിംകൊടി കാട്ടിയും മാര്‍ജ്ജാരവിപ്ലവം.ഇതു നാം കാണുന്നു, കേള്‍ക്കുന്നു, അനുഭവിക്കുന്നു എന്നാല്‍ ചിന്തിക്കാന്‍ മെനക്കെടുന്നില്ലന്നതു കഷ്ടവും അതിലും വലിയ നഷ്ടവും. 

   കാറ്റിനെതിരെ നിന്നു തൂറ്റിയാലേ നെല്ലും പതിരും തിരിയുകയുള്ളു. കാറ്റു ആഞ്ഞു വീശിയപ്പോള്‍ തൂറ്റി, നെല്ലു വേറെ പതിരു വേറെയായി കല്ലു കടിയും മാറി എല്ലാ പ്രശ്നവും തീര്‍ന്നു.ഞാനും അവനും നിങ്ങളും സന്തോഷിച്ചല്ലോ. അതാണു നമ്മുടെ ഐക്യം. 
തള്ളേ ഒടുക്കത്തെ ഐക്യം തന്നെ ആണങ്കിലും വകുപ്പു മാറ്റിചീകിയാല്‍ തലയിലെ പേന്‍ കടീ മാറുമോ........?തല ആരുടേതായാലും വകുപ്പിലിരുന്നും പേന്‍ തല കടിക്കും..... 

    പോലീസ്സു കാരും കള്ളന്മാരും കൂടി കള്ളനും പോലിസ്സും കളിച്ചു ക്രമസമാധാനം ക്രമീകരിച്ചപ്പോള്‍ ദാ വരുന്നു പുനത്തില്‍ നിന്നും ഉത്തരവു വനത്തിലേക്കു.നാടിനേക്കാള്‍ നല്ലതു കാടാണന്നു വീരപ്പനും അയ്യപ്പനും പറഞ്ഞു. സ്വാമിയേ ശരണം വിളിച്ചു കാടു കേറി അയ്യനെ കാണാന്‍ എന്നും ഭക്തന്മാര്‍......    കാടു കേറുന്നവര്‍ കാടിളക്കാതിരിക്കട്ടെ. 

   വൈകുണ്ഠത്തില്‍ വന്നു പരമശിവനിരുന്നാലോ, പഴനിയില്‍ നിന്നു മുരുകന്‍ പാലാഴിയില്‍ വസിച്ചലോ ,മഹാവിഷ്ണു ദേവലോകം ഭരിച്ചാലോ സംഭവിക്കാന്‍ പോകുന്നതു ബ്രഹ്മാവിനുപോലും തടുക്കുവാന്‍ കഴിയില്ല..!

   കനകസിംഹാസനത്തില്‍ കയറിയിരിക്കുന്നവര്‍ കരുതിയിരിക്കണം ദേവലോകത്തെ അപ്സരസ്സുകളേക്കാള്‍ ലാവണ്യവതികള്‍ ഭൂമിയിലും അവതാരമെടുത്തിട്ടുണ്ടേയന്നു.അവര്‍ക്കു പിന്നില്‍ കുതന്ത്രങ്ങള്‍ മെനയുന്ന ശകുനികളും.!

    എവിടെ കാലുകുത്തിയാലും അഴുമതിയുടെ പൊടിപടലങ്ങള്‍ മൂടിക്കിടക്കുന്നു.ഇതെല്ലാം ഒന്നു അടിച്ചു വാരി വൃത്തിയാക്കാന്‍ നമ്മുടെ നാടും ചൂലു എടുക്കുമോ...???