അന്നം കഴിച്ചു വിശപ്പു മാറുമ്പോള്‍ പിന്നെ വേണ്ടാന്നു തൃപ്തിയായി ചൊല്ലുന്നു...

അന്നദാനം 

അന്നദാനം മഹാദാനം 
മാഹാത്മ്യത്തിലേറെ 
മഹത്തായ ദാനം.
വിശന്നു വലയുന്നവനു 
ആശ്വാസമാണന്നദാനം, 
മനസ്സു ഏറെ നിറയുന്ന 
സംതൃപ്തിയാണന്നദാനം .
ദാനാമായി കിട്ടുന്ന 
ധനവും വസ്ത്രവും 
ആര്‌ത്തിയൊട്ടും 
കുറക്കുന്നില്ല മനുഷ്യനും. 
മോഹിച്ചു കിട്ടുന്ന 
ഭൂമിയും സ്വര്‍ണ്ണവും 
എത്ര കിട്ടിയാലും 
തൃപ്തനാവാതെ മനുഷ്യനും . 
അന്നം കഴിച്ചു വിശപ്പു 
മാറുമ്പോള്‍ പിന്നെ വേണ്ടാന്നു 
തൃപ്തിയായി ചൊല്ലുന്നു...